СЕ ЗГОЛЕМИ ИНФЛАЦИЈАТА ВО ГЕРМАНИЈА: Скокнаа и платите во некои сектори
Во Германија цените натпросечно пораснаа, а се зголемени и платите во одделни сектори. Зголемувањето на индексот на потрошувачките цени достигна 2,3 отсто на годишна основа, што е за 0,1 поен повеќе во однос на јуни, објави денеска Федералниот завод за статистика Дестатис.
Инфлацијата во Германија повторно порасна во јули по намалувањето во јуни.
„Падот на цените на енергијата (-1,7 отсто за 12 месеци) ја намалува стапката на инфлација“, но „сè уште гледаме натпросечни зголемувања на цените на услугите (+3,9 отсто за 12 месеци)“, изјави Рут Бренд, претседател на Дестатис.
Се зголемила инфлацијата и во Италија. Инфлацијата на потрошувачките цени во Италија забрза на највисокото ниво во последните девет месеци, како што беше првично проценето во јули, покажаа најновите податоци на заводот за статистика.
Oткако почна војната во Украина, повеќето европски земји имаа зголемена инфлација, но потоа состојбата се стабилизираше.
foto freepik.com
