СЕ ЗАТВОРААТ АФРИКАНСКИТЕ ФАБРИКИ ЗА ПРОИЗВОДСТВО НА КАКАО: Чоколадите ќе поскапат
Чоколадото веројатно ќе поскапи. Aфриканските фабрики кои преработуваат какао ја запираат преработката поради трошоците.
Главните африкански фабрики во Брегот на Слоновата Коска и Гана кои преработуваат какао прекинуваат со работа, затоа што не можат да си дозволат купување на сировата билка во облик на зрно. Чоколадото веројатно ќе поскапи низ целиот свет, а произведувачите веќе ги креваат цените за потрошувачите, пренесува Ројтерс. Ова е резултат на трите години лоши берби на какаото, а се очекува и четврта да биде лоша во споменатите две африкански земји, кои произведуваат скоро 60 отсто од светските количества на какао.
Какаото од лани повеќе од двојно поскапе, па произведувачите на чоколадо не можат да си го дозволат и зависат од преработувачите кои можат да ги претворат зрната во путер и ликер, од што можат да прават чоколадо.
Преработувачите велат дека не можат да ги купуваат зрната поради високата цена. Наскоро би можеле да се затворат уште државни фабрики во Брегот на Слоновата Коска, во која е сместено речиси половина од светското производство на какао.
Повеќето од осумте големи фабрики на вториот голем произведувач Гана, вклучувајќи ја и државната фабрика за преработка, повеќе пати ја прекинуваат работата, од почетокот на сезоната во октомври.
Климатските промени се фактор број еден кој предизвикува послаб род. Поради климатските промени ќе поскапат и бананите.
