СЕ ЗАПИРА УВОЗОТ НА МОРСКА ХРАНА ОД ЈАПОНИЈА ПОРАДИ РАДИЈАЦИЈА: Кина го тестира секој производ
Кинеската царина го запре увозот на некои морски плодови од
Јапонија, соопшти денеска владиниот портпарол во Токио, Хириказу Мацуно.
Локалните јапонски медиуми претходно објавија дека Кина
почнала да ги тестира сите морски плодови увезени од Јапонија за присуство на
радијација, пренесува Ројтерс.
Јапонскиот весник Yomiuri објави, повикувајќи се на добро
информирани извори, дека Пекинг сака да изврши притисок врз Токио преку
построги контроли на увозот на морска храна.
Јапонија планира да испушти радиоактивна вода од нуклеарната
централа Фукушима во морето, а Кина остро се противи на оваа идеја. Кина
неодамна побара од регионалниот форум на Асоцијацијата на нациите од
Југоисточна Азија (АСЕАН), одржан на 14 јули во Џакарта, да ги осуди плановите
на Јапонија да испушта вода од Фукушима, објави Kyodo News.
фото: EPA-EFE/HOTLI SIMANJUNTAK
