Се урна авион за обука во Грција: пилотот загина
Пилотот на грчкиот авион за обука Т-2 Бакај загина кога неговиот авион се урна во близина на село надвор од воздухопловната база во близина на градот Каламата на јужниот дел на Пелопонез, јави државната телевизија ЕРТ.
При слетувањето на авионот за обука од американско производство, во кој бил само пилотот, според очевидци се слушнала експлозија.
На местото на несреќата пристигнаа спасувачки екипи, полиција, пожарникари и војска. ;
Авионот T-2 Buckeye од американско производство првпат полета кон крајот на 1950-тите и служеше како главен авион за обука на грчките воздухопловни сили со децении.
Планирано е тој да биде деактивиран во наредните месеци.
