Се укинува забраната за интимни односи: Организаторите на Олимпијада во Париз на учесниците ќе им поделат 300 илјади кондоми
Организаторите на Олимписките игри во Париз одлучија да ја прекинат забраната за интимни односи меѓу спортистите воведена на Олимпијадата во Токио во 2021 година за време на пандемијата на Ковид-19 и додадоа дека планираат да стават на располагање 300.000 кондоми за жителите на Олимпиското село.
– Со толку многу кондоми, секој жител на Олимпиското село ќе го има она што го очекува и што му треба – изјави Лоран Мишо, директор на Олимпиското и параолимпиското село во интервју за „Скај њуз“.
Според него, целта на организаторите е да направат повеќе од 14.000 спортисти, персонал и новинари „да се чувствуваат ентузијастички и удобно“ за време на Олимписките игри.
– Нема да има алкохол, што е вообичаено за олимписките села, но ќе можат да споделуваат интимни моменти – рече Мичо.
Давањето кондоми на Олимпијадата не е нова практика, бидејќи на Олимпијадата во Сеул во 1988 година беа дистрибуирани околу 8.500 кондоми за да се подигне свеста за ХИВ/СИДА. На Олимпијадата во Сиднеј во 2000 година, организаторите мораа да нарачаат дополнителни 20.000 кондоми откако сфатија дека првичната нарачка од 70.000 нема да биде доволна, на Олимпијадата во Рио во 2016 година беа поделени рекордни 450.000 кондоми.
