Се пали машината: Прв хет-трик на Мбапе во дресот на Реал (ВИДЕО)
Вечерва Реал го оствари четвртиот триумф по ред, совладувајќи го Ваљадолид со 3-0, а главен играч на мечот беше токму францускиот ас. Тој ги постигна сите три гола за својот тим и со тоа стигна до првиот хет-трик во дресот на Реал Мадрид. Мбапе погоди на секој од последните пет меча на Реал, сметајќи ги сите натпреварувања, а на нив постигна вкупно осум гола и во моментов е на бројката од 15 во шпанското првенство, само еден помалку од Роберт Левандовски.
Резултатот го отвори во 30. минута, на 2-0 зголеми во 57., а својот хет-трик го комплетира во последните моменти од пенал. Со ова, Реал го искористи киксот на Атлетико и веќе има три бода предност во однос на својот најблизок следбеник.
