Се огласи Ердоган: :Четири жртви во терористичкиот напад во фабриката ТУСАШ
Терористи пристигнале наводно со такси во турската авио-космичка фабрика ТУСАШ во Анкара и засега, според официјални извори, убиле четири работници. Околу 200 вработени практично се сметаат за заложници иако голем дел од нив се забарикадирани за да ги избегнат терористите. Неофицијално, двајца напаѓачи се веќе убиени.
„Четири лица загинаа во нападот во Анкара“, изјави турскиот претседател Реџеп Таип Ердоган.
Тоа сега е една жртва повеќе од претходно објавеното. Најмалку 14 лица се повредени, се додава во изјавата на Ердоган.
„Најостро го осудувам терористичкиот напад во Анкара“, рече Ердоган.
На терен се голем број полициски и медицински екипи за специјални операции, а во близина на објектот неодамна пристигна и министерот за внатрешни работи Али Јерликаја.
Директорот на CNN TURK Istanbul News Нихат Улудаг рече дека верува оти постои можност нападот да го извршила Курдистанската работничка партија (ПКК), која е означена како терористичка организација во Турција, или членови на Револуционерната народноослободителна партија, пренесува Хуриет.
