СЕ МАЧЕА СО ЕКСТРЕМНА ИНФЛАЦИЈА: Аргентина сега влезе во рецесија
Економски шокови се случуваат во Аргентина.
Државата влезе во рецесија во првиот квартал, покажаа официјалните податоци, при што невработеноста расте во услови на наводните строги политики на штедење наметнати од претседателот Хавиер Милеи.
Бруто домашниот производ (БДП) на Аргентина е намален во периодот од јануари до март, за 2,6 отсто во однос на претходните три месеци, објави во вторникот заводот за статистика. Личната потрошувачка е намалена во првиот квартал за 6,7 отсто во однос на истиот период лани, а државната потрошувачка е намалена за пет отсто, покажуваат податоците. Увозот се намалил за 20,1 отсто, а извозот се зголемил за 26,1 отсто. Податоците на заводот за статистика покажуваат дека стапката на невработеност во првите три месеци од годинава пораснала на 7,7 отсто, од 5,7 отсто на крајот од минатата година, со околу 300.000 повеќе невработени.
Новиот аргентински претседател тврди дека треба да воведе ред во финансиите на државата, по долгогодишни буџетски дефицити и проблеми со отплатата на долговите.
Аргентина во минатото доживеала неколку банкроти.
foto freepik.com
