Се чека извештајот од Комисија на ГАК за случајот со новороденчето
Се чека извештајот од комисијата формирана од Министерството за здравство, кој треба да покаже дали биле запазени сите протоколи во случајот со новороденчето кое се здоби со скршеница на раката при породување со царски рез.
Во текот на вчерашниот ден, од Клиниката за гинекологија, објаснија дека до скршеницата дошло бидејќи бебето било лошо поставено и овие компликации се познати во литературата, иако не се случуваат често. Детето нема да има траен инвалидитет, ниту долгорочни последици.
Случајот го испитува и стручна комисија од Клиниката за гинекологија. Јавноста за случајот дозна од таткото кој тврдеше дека персоналот на Клиниката се обидел да го прикрие, бидејќи на мајката не и било да го види бебето.
Родено е на 30-ти декември, а семејството е информирано дека има скршеница на раката после 24 часа.
