СДСМ кон крајот на март ќе ги објави имињата на носителите на пратеничките листи

Имињата на носителите и кандидатите за пратеници ќе бидат познати кон крајот на месецот. Носители ќе бидат искусни партиски кадри и членови кои и во минатото извршувале високи позиции во партијата и државата, изјави лидерот на СДСМ, Ковачевски.

За барањето на Крешник Бектеши од ДУИ, тој што ќе ги загуби изборите – да се повлече од политиката, експремиерот со став дека постојат победи и порази, но не секогаш оној кој губи си заминува.

„Тоа е исто како да кажете дека ако некој фудбалски тим изгуби натпревар, сите фудбалери и тренери веќе никогаш да се занимаваат со фудбал. Политичарите се занимаваат со политика, тие нудат свои решенија, граѓаните оценуваат и проценуваат што е во нивен интерес“, изјави Ковачевски.

Министер за економија Бектеши ги повика останатите партии да направат договор – „тој што ќе изгуби, повеќе да не се занимава со политика“. Тој рече дека сите во ДУИ се сигурни дека ќе победат, но се дискутира која ќе биде разликата.

„Ја фрламе ракавицата, нека повелат сите партии, вклучително и ВМРО-ДПМНЕ. Ако сакаат, можеме да направиме и договор. Знаат од партијата дека не можат да се мерат со ДУИ во идеи и избори. Нека повелат и јавно да потпишеме дека тој што ќе ги изгуби изборите, нема веќе да се занимава со политика. Сите изгубиле избори и тоа повеќе пати, само г-динот Ахмети не изгубил и нема да изгуби избори“, изјави Бектеши.

Министерот за економија, рече дека далеку се од договор со СДСМ за коалицирање, додека пак лидерот на партијата Ахмети, е авторизиран да преговара со сите политички партии, невладини организации, активисти интелектуалци за можни коалиции за парламентарните избори.

Марина Стојанова Тонева