СДСМ: :Човек се онесвестил додека чекал ваучер за инвертер
Километарски редици денес пред пунктот кај СРЦ „Борис Трајковски“ за подигнување ваучер за купување инвертер клима, а од СДСМ тврдат дека едно лице од колоната се онесвестило.
„Неспособната ВМРО-ДПМНЕ денеска срамно ги понижи граѓаните кои со часови и во долги редиви чекаа за ваучери за клима уреди. Дури има случај каде што едне човек се онесвестил.
СДСМ кога ги доделуваше ваучерите имаше систем без чекање, граѓаните имаа опција по пошта или лично во подолг временски период да ги подигнат. Затоа никогаш досега немаше гужви.
Дополнително од 2017 до 2021 година и градоначалниците на СДСМ имаа огласи за инвертери но никогаш гужви и понижување врз граѓаните никогаш немало.
Моделот на СДСМ одлично функционираше. Сега слушаме дека ВМРО-ДПМНЕ се правда дека немало време за пошта што воопшто не е точно. Но секако, ова е јасна потврда дека заради нивната неспособност граѓаните мора да мрзнат и се туркаат“, коментираат од опозициската партија.
Од Министерството за енергетика, рударство и минерални суровини рекоа дека во добар ред и согласно предвидената динамика започна доделувањето на вредносни ваучери за домаќинства за купување и поставување на инвертер клима-уреди.
