ОПТИМИЗАМ: До 2027 година, Црна Гора и Албанија би можеле да ги завршат преговорите со ЕУ?
До 2027 година Црна Гора и Албанија би можеле да ги завршат преговорите со Европската Унија(ЕУ).
Кандидатката за еврокомесар за проширување Марта Кос изјави дека е можно до крајот на нејзиниот мандат најмалку две држави да ги завршат пристапните преговори со Европската Унија. Таа објасни дека Црна Гора би можела да ги затвори сите поглавја до крајот на 2026 година, а Албанија може да го направи тоа до 2027 година.
Марта Кос е кандидатка од Словенија за комесар за проширување. Во текот на денот таа имаше сослушување во комисијата за надворешна политика на Европскиот парламент (АФЕТ), на која беше потврдена нејзината кандидатура.
Албанскиот премиер Еди Рама изјавуваше дека очекува неговата земја да влезе во ЕУ до 2030 година.
Кос потсети дека Македонија треба да направи уставни измени.
foto freepik.com/EyeEm
