САШО МИЈАЛКОВ НЕМА НИКАКВА ВРСКА СО БАРУТАНА Демантирани тврдењата на Левица и на некои медиуми
„Целосна лага се информациите изнесени од страна на политичката партија Левица дека мене некој ми подарил било што во месноста викана Барутана“ – пишува во соопштение до медиумите Сашо Мијалков, поранешниот директоер на Управата за безбедност и контраразузнавање.
„Не поседувам никаков имот на посочената локација, ниту имам каков било интерес во врска со истата. Тоа се однесува не само на мене, туку и на компаниите кои се во моја сопственост или во сопственост на членови на моето семејство.
Овие факти лесно може да се проверат во Централниот регистар и надлежните институции.
Споменувањето на моето име во текстот на Призма во врска со Барутана е надвор од секаков контекст и се сведува на наведување на деловни активности од пред десет години кои на никаков начин не се поврзани со актуелниот случај, при што на ваков тенденциозен начин на известување, доведуваат до креирање на погрешна перцепција кај јавноста.
Не знам кои се причините за пласирање на вакви невистини и мое инволвирање, но секое изнесување на неточни и непроверени информации, кои може да нанесат штета, повлекува одговорност. Затоа барам согласно Законот за граѓанска одговорност да биде објавен овој демант и да бидат повлечени лажните информации“ – се вели во соопштениеето на Мијалков.
.
Извор: plusinfo.mk
