САМРАК НА ГЕРМАНСКАТА ДОМИНАЦИЈА: Параметрите опаѓаат петти месец по ред
Пазарите очекуваа овој индекс да падне на 85,2 поени во септември, па резултатот е нешто подобар од очекуваниот, но вредноста на индексот се намалува веќе пет месеци по ред.
Како што е наведено на веб-страницата на IFO, во септември германските компании биле помалку задоволни од моменталната деловна ситуација од минатиот месец, но песимизмот за иднината е нешто помал од претходно.
Во преработувачката индустрија, индексот на деловното расположение благо се зголеми. Компаниите беа нешто позадоволни од тековното работење, но нивните очекувања за иднината се уште се песимистички.
Во услужниот сектор индексот на деловното расположение падна шести пат по ред поради значително влошување на актуелната деловна состојба, а очекувањата за иднината се уште се обележани со скептицизам.
Во трговијата вредноста на индексот на деловното расположение се зголеми поради помалиот песимизам за иднината, но во исто време компаниите беа понезадоволни од моменталната деловна состојба.
Најтешка е ситуацијата во германската градежна индустрија, каде вредноста на овој индекс падна на најниско ниво од јануари 2009 година.
