ФОТО Возот од Скопје за Велес синоќа се расипал во тунел, расипан и тој за Битола
Несекојдневен случај синоќа со возот на релација Скопје-Велес. Заедно со патниците, се расипал во пат во еден од тунелите. Неколку часа патниците биле во возот, по што во 21:50 часот пристигнал во Велес.
Фотографијата до нас ја испрати наш читател преку платформата „Биди наш репортер“
Проблем има и со возот кој сообраќа на релација Скопје-Битола. И тој еден патнички воз кој сообраќа од Скопје за Битола и обратно, во четвртокот попладне и петокот наутро не сообраќал. Патници кои биле на станицата, велат дека железничарите кои биле на перонот кажале оти била расипана единствено достапната дизел локомотива која можела да го вози возот.
Од ЈП МЖ Транспорт нема одговор.
