САКААТ ДА ГИ ЗАБРАНАТ РУСКИОТ ЛНГ И АЛУМИНИУМ: Брисел подготвува нов пакет санкции против Москва
Европската унија размислува за ограничувања на увозот на руски алуминиум и постепено укинување на течниот природен гас како дел од новиот пакет санкции насочени кон Москва, пишува Блумберг, повикувајќи се на свои извори.
Нацрт-мерките, кои би биле дел од 16-тиот пакет санкции на блокот, вклучуваат санкции за уште десетици бродови кои се дел од таканаречената руска флота во сенка, како и дополнителни контроли на извозот на стоки што може да се користат за воени цели. Овој потег, исто така, ќе доведе до тоа повеќе банки да ги напуштат меѓународните платежни системи SWIFT, велат изворите, пренесува „Новости.рс“.
Ограничувањата за алуминиумот ќе бидат постепено, а временската рамка и опсегот допрва ќе се утврдуваат. Напуштањето на ЛНГ може да се направи или како дел од санкциите или како дел од патоказот што извршната власт на блокот се очекува да ја претстави следниот месец, велат изворите.
Нацрт-предлозите сè уште се дискутираат и сите санкции бараат едногласна одлука. Ова значи дека санкциите за ЛНГ е малку веројатно бидејќи групата земји-членки на блокот сè уште се потпира на рускиот гас.
Русија, генерално, е клучен снабдувач на течен гас и алуминиум за Европа. Испораките на руски ЛНГ во Европа минатата година – и покрај санкциите – се искачија на рекордно ниво.
Русија беше главниот снабдувач на алуминиум на европскиот пазар пред почетокот на Специјалната воена операција во Украина. Сега, поради санкциите и постепеното преуредување на глобалните синџири на снабдување, Русија сочинува околу шест отсто од европскиот увоз, при што испораките се преполовени од нивото забележано во 2022 година.
Планот е да се усвои нов пакет санкции следниот месец, на третата годишнина од СВО.
