Рускоска: Според фискалните на Бојан Јовановски, парите од „Рекет“ одамна се потрошени

Во гостувањето на „Ноќно студио“ на 4ТВ, обвинителката Вилма Рускоска изјави дека, судејќи според фискалните сметки, Бојан Јовановски најверојатно одамна ги потрошил парите поврзани со случајот „Рекет“.

Таа посочи дека во текот на постапката биле презентирани докази за значителни трошоци, вклучително и луксузен шопинг во Милано, каде според документите бил остварен поврат на ДДВ од околу 140.000 евра.

„Судејќи според начинот на трошење, не верувам дека тие средства и денес се користат“, истакна Рускоска.

Случајот „Рекет“, кој ја потресе јавноста и доведе до пад на Специјално јавно обвинителство, и натаму останува симбол на висока корупција и злоупотреба на моќ.