Руска тајна служба: Четворица терористи од масакрот се уапсени во близина на границата со Украина
Руската тајна служба тврди дека четворицата уапсени терористи од масакрот во салата во Москва се обидувале да преминат во Украина.
„По терористичкиот напад, криминалците имале намера да ја преминат границата меѓу Руската Федерација и Украина и имале релевантни контакти на украинската страна“, соопшти ФСБ, пренесуваат руските медиуми.
Во одвоено соопштение, руските истражители известија дека четири лица се уапсени во близина на границата со Украина во областа Брјанск.
Украина категорично негираше каква било вмешаност во нападот.
