Русија објави видео од таен состанок на германската армија за Украина
Германија го истражува руското пресретнување на воени офицери кои разговараат за испорака на ракети со долг дострел и можни цели за Украина.
Главниот уредник на руската државна телевизија РТ објави аудио-снимка од видео средбата на социјалните мрежи.
Офицерите разговараат за тоа како проектилите би можеле да го погодат мостот Керч, кој ја поврзува Русија со нелегално анектираниот Крим.Руските политичари рекоа дека снимката докажува дека рускиот „заколнат непријател“ планира напад.
Германски Шпигел пишува дека видео конференцијата не се одржала преку тајната внатрешна мрежа на армијата, туку на платформата WebEx.
Маргарита Симонјан, уредничката на РТ, во петокот го објави видеото од 38 минути, велејќи дека тоа е доказ дека Германија планира напад на Крим.
На видеото може да се слушне разговор за можноста украинските сили да користат ракети Таурус, произведени во Германија и нивните можни последици.
Претставникот за печат на германското Министерство за одбрана за агенцијата АФП изјави дека тајниот разговор на воените сили бил прислушуван.
Таа не можеше со сигурност да каже дали видеото е монтирано пред објавувањето.
Марија Захарова, претставник за печат на руското Министерство за надворешни работи, побара од Германија веднаш да даде објаснување.
„Обидите да се избегне давање одговор ќе се гледаат како признавање на вината“, рече таа.
