Ризична е потрагата во Лепенец за екипите поради надојдените води и отпад
Продолжува потрагата по три лица кои се водат како исчезнати откако автомобил заврши во реката Лепенец попладнево, излетувајќи од патот Скопје-Приштина.
Екипата на 4NEWS.mk од терен јавува дека потрагата иако продолжува во овие вечерни часови, сепак е ризична за тимовите поради надојдените води на ректата Лепенец.
„Освен што водата е матна и надојдена, огромен проблем претставува ѓубрето конкретно бандажи од автомобили кои најверојатно се исфрлени во реката“, вели еден од спасувачите за нашата екипа.
Инаку од МВР информираа за ТВ21 за несреќата:
Денеска (17.06.2023) околу 15 часот е пријавено дека на патот Скопје-ГП Блаце се случила сообраќајна несреќа во која учествувале патничко возило „фолксваген“ со скопски регистарски таблички, управувано од Б.Б. од Скопје и патничко возило „бмв“ со косовски регистерски таблички, управувано од Н.П. од Косово, кое по несреќата паднало во реката Лепенец. Во возилото „бмв“ покрај возачот имало и тројца сопатници. Едно лице е извадено од реката и пренесено во ГОБ „8 Септември“, а по останатите три лица се трага. Ова е првична информација.
И центарот за управување со кризи излезе со првични информации:
Денеска (17.06.2023) околу 15 часот е пријавено дека на патот „Скопје-Граничен премин „Блаце“ (близу тунелите) се случила сообраќајна несреќа во којашто учествувале патничко возило „фолксваген“ со скопски регистарски таблички, управувано од Б.Б. од Скопје и патничко возило „бмв“ со косовски регистерски таблички, управувано од Н.П. од Косово, што по несреќата паднало во реката Лепенец. Во возилото „бмв“ покрај возачот имало и тројца сопатници. Едно лице е извадено од реката и пренесено во болница – ГОБ „8 Септември“, а по останатите три лица трагаат тим нуркачи од САЕ „Тигар“ како и тим со дрон.
