„РИЈАД ЕР“ КУПУВА АВИОНИ ЗА 8 МИЛИЈАРДИ ДОЛАРИ: Со „Боинг“ преговара за 150 летала

Новата саудиска
авиокомпанија „Riyadh Air“ преговара со американскиот производител на авиони
„Boeing“ за купување на 150 авиони од моделот 737 MAX, објавија медиумите.

Вредноста на
трансакцијата би можела да достигне приближно осум милијарди долари, според
проценката на аналитичарот на „Bloomberg News“, бидејќи голем број авиони
обично носат значителен попуст, пренесува „Јутарњи лист“.

Новиот саудиски
превозник е основан во март како дел од стратегијата на престолонаследникот
Мохамад бин Салман да ја намали зависноста на саудиската економија од нафта и
да го зголеми уделот на туризмот и сообраќајот.

До крајот на
деценијата, „Riyadh Air“ треба да лета на повеќе од 100 дестинации низ светот и
да се натпреварува со главните авиопревозници во Персискиот Залив во глобалните
трансфери.