Разрешена претседателка на Судскиот совет Весна Дамева
Атмосферата на седницата на Судски совет денеска беше прилично тензична. Претседателката Весна Дамева беше обвинета дека го криела писмото од американската амбасадорка, Анџела Агелер кое на 11 април беше испратено до извршната и судска власт, а во кое се изразува загриженост за „неспособност на судовите брзо да ги процесуираат предметите низ судската постапка“.
– Зошто не ставивте во заблуда и писмото од амбасадорката не ни беше доставено на време, туку по две недели? Кој го криел писмото за ние да не знаеме. Дали сме ние членови на Судскиот совет и треба ли да знаеме за тоа сериозно писмо доставено до Судскиот совет? Сите да го имаат, а ние да го слушнеме од медиумите? Дали одредени портали кажуваат име и презиме? Првиот човек треба да има одговорност, истакна потпретседателот на Судскиот совет, Селим Адеми.
Како што јави агенцијата Макфакс, Адеми побарал претседателката Весна Дамева да биде разрешена.
Според претседателката Дамева, писмото не е вистинска причина за барањето за нејзино разрешување, туку дека сакаат да биде разрешена пред да бидат изгласани сензитивни точки ставени на дневен ред, како што е одговорноста кај судиите. Причината за којашто Дамева не го доставила писмото до членовите, таа вели дека е поради тоа што била на одмор.
