РАСТЕ БРОЈОТ НА ЗАБОЛЕНИ ОД ЗАПАДНОНИЛСКА ТРЕСКА ВО СОСЕДСТВОТО: еве како може да се заштитите
Зголемен број на заболени од западнонилска треска се регистрирани во соседна Србија и соседна Албанија. Оваа болес се пренесува по каснување од заразен комарец, а најтешките случаи добиваат воспаление на мозокот.
Според извештајот на Институтот за јавно здравје на Србија „Д-р Милан Јовановиќ Батут“, во Србија продолжува да расте бројот на заразени од западнонилската треска, и достигнува 14 лица. Според последните неофицијални информации, сите се надвор од животна опасност и се опоравуваат.
Епидемилогот Зроан Радовановиќ за „Блиц“ објаснува дека во Србија има многу западнонилска треска, која ја пренесуваат домашните комарци, во близина на реките, односно каде што има вода, па затоа треба да се внимава на таквите места.
– Станува збор за домашни комарци, а ги напаѓаат ловочуварите, рибарите, камперите, сите што работат надвор и се во близина на такви места. Тие се повеќе загрозени од луѓето во градот, каде што се уште е прашина, но тоа не може да се направи насекаде – истакнува тој за „Блиц“.
Затоа, вели Радовановиќ, важно е да бидете одговорни и да се заштитите од каснување од комарци.
– Наше е, односно на сите кои се изложени на ризик од каснување од комарци да се заштитат, да користат репеленти, доколку се на отворено и кампуваат, да ги затворат шаторите и да ги користат достапните препарати за одбивање на комарците – предупредува тој.
Се проценува дека речиси 2.000 луѓе се заразени
– Во моментов имаме осум лица со воспаление или парализа на мозокот, што е и воспаление на централниот нервен систем. Инаку, најмалку 1.000 луѓе биле каснати од комарци кои ја пренесуваат западнонилската треска, бидејќи 80 отсто од заразените немаат никакви симптоми, вирусот им продира во телото, но клиничката слика е без симптоми. Единствен начин да се открие дека се заразени е кога ќе се тестираат за овој вирус – вели Радовановиќ за „Блиц“.
Тој објасни дека сегашниот број на регистрирани лица заболени од овој вирус во Србија треба да се помножи со 100 или 150 за да се добие бројка што покажува колку луѓе се грубо заразени. Со оглед на тоа што досега се потврдени 14 случаи на зараза со оваа метода, доаѓаме до бројката на заболени која се движи меѓу 1.400 и 2.100 лица.
– Од сто проценти заразени, осумдесет немаат симптоми, другите 20 проценти од заразените добиваат треска, осип, болки во мускулите и зглобовите, може да се јави и дијареа, а помалку од еден процент добиваат симптоми на воспаление на мозокот – заклучи Радовановиќ во интервју за „Блиц“.
Од друга страна бројот на заразени од западнонилска треска потврдени во лабораторијата на Институтот за јавно здравје (ИЈЗ) во соседна Албанија достигна 58, а во Институтот секојдневно пристигнуваат тестови кои се земаат од лица со симптоми на болеста.
– Од Институтот, каде пред три недели имаше зголемување на случаите на енцефалитис и менингитис, велат дека има намалување на бројот на заболени од овој проблем. Курбин, Фиер и Лушња се области каде има повеќе случаи на заразени со Нилска треска, но на ова подрачје веќе е направена дезинсекција против комарците кои ја пренесуваат болеста Нилска треска од заразени птици на луѓе – објавија албанските медиуми.
Институтот побара од сите општини во државата да извршат дезинсекција на териториите што ги администрираат.
– Од појавата на оваа болест, има пријавено три смртни случаи. Но, во 80 проценти од случаите, оваа болест не покажува знаци, додека само 1 отсто од засегнатите случаи може да покажат сериозни заболувања на нервниот систем како што се менингитис или енцефалитис, останатите покажуваат треска, главоболка, повраќање или симптоми на мускулна слабост слични на оние на грип – наведуваат медиумите.
Додаваат дека дезинсекцијата е процес кој треба да започне во февруари кога комарците се уште се ларви и констатираат дека во „земјата оваа активност никогаш не започнува навреме, бидејќи во најдобар случај тендерите пропаѓаат и како оправдување оваа активност започнува доцна или воопшто не се спроведува“.
