РАМА: Во 2030 година ќе го кренеме знамето на Скендербег во дворот на ЕУ
И покрај политичко-медиумската борба во Тирана, во 2030 година ќе го кренеме знамето на Скендербег во дворот на ЕУ, вели албанскиот премиер Еди Рама. Тој утре во Њујорк ќе одржи уште една од најавените серија средби со албанската дијаспора, што ги почна во мај годинава.
Тој веќе е во Њујорк и споделувајќи фотографии со објекти на кои се поставени плакати за средбата, што ќе се одржи под мотото „Горд за Албанија“, тој ја коментираше и политичката ситуација во земјата.
„Во Њујорк на средба со Албанците од Америка. Горд за Албанија, за која денес се зборува во суперлатив насекаде во светот и целосно свесен за извонредните предизвици на патот до врвот во 2030 година, кога со моќта на нашиот сојуз и покрај политичко-медиумската борба во Тирана, ќе го кренеме знамето на Скендербег и Исмаил Ќемали (прв албански премиер кој ја прогласил независноста на земјата) во дворот на Европската Унија“, напиша Рама.
Ќе зборува и за начинот на гласање на дијаспората. Првата средба тој ја одржа албанската дијаспора во Атина на 12 мај. Потоа посети и други земји. Албанија месецов почна преговори со ЕУ. Maкедонија заостана на европскиот пат.
Инаку, неодамна имаше инциденти во Тирана, пратеници запалија столчиња пред Собранието, а потоа имаше и други нереди.
foto Facebook/Edi Rama
