Рама: Српската армија на границата со Косово има моќ еднаква на нула
Според албанскиот премиер Еди Рама, српската војска нема моќ на границата со Косово. Направи споредба на американска војска на границата на Мексико.
Рама вели дека српската армија на границата со Косово има моќ еднаква на нула.
„Се фокусирав на она што беше напишано. Српската армија на границата. Ова е најневеројатниот приказ на внатрешната политика, бидејќи српската армија на границата со Косово има моќ еднаква на нула. Исто е како мексиканската војска да се појави на границата со САД. Што може да направи? Со должна почит, бидејќи го сакам Мексико, но она што може да направи е ништо, апсолутно ништо. Тоа е за внатрешна политика“, рече Рама кој присуствува на ГлобСек форумот кој се одржува во Братислава, Словачка.
Деновиве имаше судири во северно Косово, каде имаше десетици повредени, Срби, но и припадници на КФОР.
Припадниците на Кфор денес со бодликава жица ја оградија општинската зграда во Звечан на северот на Косово. Како што јавува РТС, околу зградата се собрале и вработените во локалната самоуправа. Србите не ги признаваат градоначалниците Албанци, затоа што мнозинското српско население не ни гласаше на избори, а бараат формирање на Заедница на српски општини и косовските специјалци да се повлечат од северно Косово. Западот ги прозва косовските власти на одговорност за тензиите.
Вицепремиерот и министер за одбрана на Србија, Милош Вучевиќ, посети дел од единиците на Војската на Србија вo регионот на Копаоник.
фото: твитер/принтскрин
