Рама: Регионот многу страдаше од национализмот кој можеби бил оправдан во некои други времиња, но не и денес
Регионот не му припаѓа ниту на Курти ниту на Вучиќ, вели албанскиот премиер Еди Рама.
Тој рече дека регионот страдал од национализам, но тоа денес не е оправдано. Вели дека регионот им припаѓа на сите народи кои живеат тука. Рама денеска во Тирана изјави дека националниот интерес на Албанија е загрозен со случувањата на северот на Косово и дека регионот на Западен Балкан не му припаѓа ниту на косовскиот премиер Албин Курти ниту на српскиот претседател Александар Вучиќ, туку на сите држави.
„Овој регион многу страдаше од национализмот, од национал-фолклористите и постојаните судири кои можеби биле оправдани во некои други времиња, но не и денес среде Европа која по секоја цена бара мир“, изјави Рама.
Тој оцени дека е алармантна потребата од нов конкретен притисок од Франција и Германија, со поддршка на САД, за да се финализира договорот меѓу Приштина и Белград, исто како што е алармантна и потребата од деескалација на ситуацијата на северот на Косово.
Вели дека ситуацијата на Косово не смее да остане статус кво, ниту да се влоши.
Косовската полиција денеска уапси уште еден Србин во Митровица.
