Работник со две и пол минимални плати не може да ја покрие потрошувачката кошничка
Близу 50.000 денари месечно му требаат на едно четиричлено семејство само за минималните трошоци.
Синдикалната минимална кошничка во април изнесувала 49.384 денари. Најмногу пари или 19.224 денари биле потребни за храна и пијалаци, како и за режиски трошоци (13.423 денари). Од Сојузот на синдикати на Македонија, велат дека еден функционер со неговата плата покрива три синдикални минимални кошнички, а еден работник со две и пол минимални плати не може да ја покрие потрошувачката кошничка.
„И покрај сите мерки на Владата, трошоците за храна и пијалаци за само една година се зголемени за 2.766 денари, а во 2023 година ниту еднаш не е намалена вредноста на храна и пијалоци во делот на Синдикалната минимална кошница што покажува дека функционерите си го гледаат само нивниот интерес и знаејќи го овој факт си ги зголемија нивните плати за 2000 денари дневно или за 78 проценти месечно“, велат од ССМ.
foto freepik.com/senivpetro
