Работници на Елем Турс протестираа на Попова Шапка

Затворањето на „Елем Турс“ и формирањето на новата компанија, со цел позитивна ликвидност на компанијата како подготовка за идниот купувач или концесионер на ски центарот на Попова Шапка, ги донесе работниците на оваа подружница на ЕСМ на улица. Околу 25 вработени се жалат дека со затворањето на Елем Турс и формирањето на новата компанија ќе им се смени договорниот статус и се плашат дека нема да бидат вработени на неопределено, објави ТВ21.

АД ЕСМ го одвои имотот на фирмата-ќерка ЕЛЕМ Турс со формирање на две нови претпријатија, од кои едното ќе го носи името Ски центар Попова Шапка Дооел Тетово, кое понатаму ќе треба да биде превземено од стратешкиот инвеститор ТехноАлпин, најавен изминатите денови од Владата.

Второто претпријатие е ЕСМ Молика, под чија сопственост е истоимениот хотел на Пелистер, чија судбина засега не е позната. И на двете претпријатија сопственик е Електрани на Северна Македонија. 

„Ова се прави поради тоа што странските инвеститори бараат преземање без долгови. Вработените мора да се натпреваруваат, да бидат први со повисоки плати, но некој од нив не го направа истото. Вработените ḱе бидат префрлени со решенија на неопределено време, по истекот на договорите. Истото се прави и со Хотел Молика во Битола“, рекле од Елем Турс за ТВ21.

Како што дознава телевизијата, италијанската компанија заинтересирана за купување на турсистичкиот центар, наскоро да ги финализира договорните одредби со Владата, во кои новото претпријатие ќе нема стари долгови.