Путин ваков не сме го виделе, Кадиров објави селфи од Кремљ: Врховниот командант има посебна задача за мене!
Рамзан Кадиров, лидерот на Чеченија, денеска објави селфи со рускиот претседател Владимир Путин.
Кадиров нагласи дека Владимир Путин за време на вчерашната средба во Москва побарал од него да им го честита Курбан Бајрам на војниците и на граѓаните од муслиманска вероисповед.
– Нашиот претседател Владимир Владимирович Путин има голема почит кон муслиманите на нашата голема и пријателска земја. Го информирав за социо-економската ситуација во Чеченија и разговаравме за долгорочните планови и достигнувања на регионот. На крајот од средбата, Владимир Владимирович ме замоли да им пренесам искрени честитки на сите муслимани по повод Курбан Бајрам и да им пренесам желби за среќа, добрина, мир и просперитет – вели Рамзан Кадиров на својот Телеграм канал.
Чеченскиот лидер откри дека Путин имал и посебно барање.
– Врховниот командант конкретно побара да им честитам на војниците кои учествуваат во специјалната воена операција. На храбрите момци им посакав успех и среќа и брзо завршување на задачите. Со голема радост извршувам почесна мисија и се придружувам на желбите на Владимир Владимирович! Среќен празник! Нека Курбан Бајрам ги исполни срцата на сите верници со среќа и мир – вели Кадиров.
Камерата неодамна сними разговор меѓу Путин и Кадиров додека тие ја коментираа брадата на чеченскиот лидер
