Путин го потпиша законот за воведување на ДИГИТАЛНА РУБЉА
Рускиот претседател Владимир Путин денеска потпиша закон со кој се воспоставуваат правни норми за воведување на дигиталната рубља.
Законот ги воведува основните концепти за дигиталната валута, го дефинира нејзиниот правен статус и статусот на трансакциите со посебна платформа со која управува Централната банка.
Овие операции ќе се вршат во согласност со прописите одобрени од Управниот одбор на финансискиот регулатор. Со ова се определуваат и тарифите за вршење трансакции со третата форма на национална валута и условите под кои банките мора да им обезбедат на корисниците можност да ги вршат тие трансакции.
Предвидено е за физичките лица трансферите и плаќањата да бидат бесплатни, а за деловните единици тарифата за примање плаќања ќе изнесува 0,3 отсто од уплатата.
Во документот е забележано дека нема да може да се отвори сметка во дигитални рубљи и да се земе заем, а нема да се утврдува каматна стапка за „дигитални паричници.
