![Првиот говор на Ердоган по победата: Победници се сите наши граѓани](https://novina.mk/wp-content/uploads/2023/05/erdogan.webp.webp)
Првиот говор на Ердоган по победата: Победници се сите наши граѓани
Претседателот на Република Турција Реџеп Таип Ердоган изјави дека вториот круг од претседателските избори е завршен по волјата на народот и им се заблагодари на сите што ја исполниле таа граѓанска должност.
Во своето прво обраќање по изборите, Ердоган рече дека победник на изборите и денес е Турција, односно сите 85 милиони нејзини граѓани.
„Рековме дека ќе победиме на начин на кој никој нема да биде губитник. Така, единствениот победник е Турција “, рече Ердоган.
Врховната изборна комисија на Турција соопшти дека се преброени 75,42 отсто од гласачките ливчиња и дека Ердоган е во водство со 53,41 отсто освоени гласови, додека неговиот противкандидат Кемал Киличдароглу има 46,59 отсто од гласовите.
Му благодарам на секој член на нашиот народ кој со својот избор уште еднаш ни ја довери одговорноста за управување со земјата во следните пет години“, рече Ердоган во Истанбул.
Нагласувајќи дека и денешните изборни резултати покажале дека никој не може да го загрози напредокот и интересите на Турција, Ердоган рече дека неговата победа ја отворила вратата за визијата на „Векот на Турција“.
Нагласи дека волјата на народот уште еднаш се потврдила на гласачките кутии и рече дека неговата администрација ќе ја оправда довербата што народот му ја дал, како што тоа го направи во изминатите 21 година.
Ердоган отпатува од Истанбул во Анкара, каде се очекува да и се обрати на нацијата во текот на ноќта.