Први резултати од Турција: Ердоган со водство во вториот круг
Претседателот Реџеп Таип Ердоган го победи својот ривал со повеќе од половина преброени гласови во вториот круг од изборите во Турција, објавија државните медиуми.
Со 71 отсто од пребројувањето, Ердоган освои 54,37 отсто наспроти 45,63 отсто за Кулчдароглу, јавува Anadolu Agency.
Турскиот проопозициски информативен канал Фокс њуз тврди дека најголем дел од гласовите досега пребројани од државните медиуми се од Анадолија.
Посебното пребројување на гласовите објавено од проопозициската новинска агенција Анка го стави Кулчдароглу во водство со 51 отсто наспроти 49 отсто на Ердоган.
Излезноста на гласачите според досега преброените гласови е 85,13%.
Точно во 17 часот заврши гласањето во вториот круг од претседателските избори Во 8 часот беа отворени избирачките места во сите 81 округ во државата. Во земјата и во странство беа отворени вкупно 191.884 избирачки места. Право на глас имаат 64 милиони турски граѓани.
