Прв училиштен ден: Мицкоски и Филипче на учениците им посакаа успешна година
Премиерот Христијан Мицкоски во училиште „Кирил Пејчиновиќ“ во Кисела Вода, првиот опозиционер Венко Филипче во „Киро Глигоров“ Центар. И двајцата им посакаа на првачињата, учениците и наставниците успешна учебна година.
„Ова се години кога учите за две многу значајни вредности а тоа се семејството и татковината, нашата Македонија. Наставниците сум убеден дека вредностите кои што најмладите првоодделенчиња ќе треба да ги дознаат за своето семејство за мама, за тато, за дада и за бато, но исто така и за она што се вика татковина нашата преубава Македонија ќе го пренесат на вистински начин“, изјави премиерот Христијан Мицкоски.
„Убав настан, почеток на школската година, посакувам успешна, мирна школска година, мирни денови на учениците, да стекнат нови знаења, мирно за родителите, им посакувам трпение и многу поддршка да дадат на децата“, изјави Венко Филипче – претседател на СДСМ.
