ПРОТЕКОА ДЕТАЛИ ЗА СУДЕЊЕТО: На родителите на Коста не им е лесно, еве како минал првиот ден во судницата
Во Вишиот суд во Белград вчера започна судењето на родителите на Коста Кецмановиќ, а според неофицијални информации на српските медиуми, тие се изјасниле за невини.
Во текот на рочиштето беше прочитано обвинението и беа дадени воведни зборови, а денес се очекува да ја изнесат одбраната.
И покрај тоа што судијата судењето го затвори за јавноста, детали протекуваат во српските медиуми.
Па така, според пишувањата, родителите на Коста на почетокот на судењето плачеле.
Зад нив седеле родителите на жртвите на нивниот син, а беа присутни и сопственикот на стрелиштето каде момчето вежбало гаѓање и тренерот кои се обвинети во обвинителниот акт на Вишото јавно обвинителство.
При излегувањето од судницата, судските редари им дозволиле на сопружниците да се гушнат, а како што јавува репортерот на „Блиц“ од местото на настанот, и двајцата плачеле и се гушкале неколку секунди.
