Пронајденa живa исчезнатата новинарка
Заменик-уредничката на „Зидојче цајтунг“, Александра Федерл-Шмид, по голема потрага е пронајдена жива, бидејќи се стравувало дека се обидела да се самоубие. Ова се случува во екот на обвинувањата против неа за наводен плагијат.
Полицијата ја пронајде новинарката на Цајтунг цајтунг, Александра Федерл-Шмид (53), која претходно беше пријавена за исчезната во пограничната област меѓу Германија и Австрија.
Австриската полиција ја пронашла под мост премрзната и ја префрлила во болница.
Не се објавени детали за нејзината здравствена состојба, само дека новинарката не е во животна опасност, пишува виенскиот весник Стандард, чиј главен уредник долги години бил Федерл-Шмид.
Потрагата започна во четвртокот наутро, откако очевидци виделе женско лице во реката, иако температурата била само шест степени. Нејзиниот автомобил бил пронајден на паркингот во близина на бензинска пумпа во Браунау, а некои од нејзините лични работи биле пронајдени на брегот на реката и во водата.
Во четвртокот медиумите објавија дека наводно е пронајдено проштално писмо, поради што се стравуваше од самоубиство на познатиот новинар.
Во потрагата имаше околу стотина полицајци од две земји, со десетина чамци, како и бројни доброволци.
Обвинувања и за Зидојче
Федерл-Шмид, заменик-главен уредник на угледниот „Зидојче цајтунг“, последните денови е во центарот на вниманието на медиумите поради наводен плагијат во некои текстови, дипломска работа од 1993 година и докторска дисертација од 1996 година.
Информациите за наводниот плагијат во написите во весниците ги дал непознат инсајдер од Зидојче цајтунг до платформата Медијенинсајдер, која пишувала за тоа во средината на декември, тврдејќи дека Федерл-Шмид земал делови од текстови од други медиуми без да го наведе изворот.
