Променливо облачно и многу студено
Променливо облачно и многу студено. На повеќе места ќе дува засилен до силен ветер (над 80 км/час) од северен правец. Наместа во северните подрачја и на планините, ќе провејува слаб снег. Минималната температура ќе биде во интервал од -8 до 0, а максималната ќе достигне од -3 до 3 степени.
Во Скопје променливо облачно и студено. Претпладне во делови од котлината ќе провејува снег. Ќе дува засилен ветер од северен правец. Минималната температура ќе се спушти до -2, а максималната ќе достигне до 0 степени.
Од понеделник ќе се задржи стабилно, студено и ветровито време со минимални температури и под -10 степени, а наместа и дневните ќе бидат под нула.
