ПРОГНОЗА: Дали златото е најголем ривал на доларот?
Златото ќе го замени доларот, вели Игор Сечин, извршен директор на Роснефт, најголемата руска нафтена компанија.
„Најголемиот ривал на доларот ќе биде златото, кое човештвото го користело за платежни илјадници години“, изјави Сечин во говорот на 17-от Евроазиски економски форум, одржан во Рас Ал Хамија во Обединетите Арапски Емирати (ОАЕ).
Тој додаде дека светот влегол во процес во кој САД го загубија лидерството во научната, технолошката, индустриската и финансиската област. Вели дека има намалување на американската економска и трговска доминација. Според него, се намалува и неспорното влијание на САД врз политичките процеси во светот.
„Користејќи ја позицијата на глобална доминантна сила, САД се потпираат на создавање посебни услови за сопствената економија на сметка на другите учесници на пазарот, вклучително и нивните сојузници“, вели Сечин.
Но, претседателот на Федералните резерви Џером Пауел изјави во ексклузивно интервју за CNBC дека биткоинот се натпреварува со златото, а не со американскиот долар. Цената на златото расте, но и на биткоинот. Се очекува дека златото и натаму ќе поскапува.
foto freepik.com/ravitaliy
