Привремено паузирано замрзнувањето на Трамп на неповратните средства и заемите
Американски судија во вторникот привремено запре дел од опсежната директива на администрацијата на новиот американски претседател Доналд Трамп за паузирање на федералните заеми, грантови и друга федерална помош, признавајќи ја победата на непрофитните организации кои рекоа дека политиката ќе биде поразителна, пренесува Ројтерс.
Окружниот судија на САД Лорен Али Кан и нареди на администрацијата на Трамп да не го блокира финансирањето на постоечките програми до 3 февруари, на сослушувањето во федералниот суд во Вашингтон.
Националниот совет на непрофитни организации, Американското здружение за јавно здравје, Main Street Alliance и SAGE поднесоа тужба порано во вторникот поради директивата објавена во понеделникот од страна на вршителот на должноста шеф на американската Канцеларија за управување и буџет (OMB).
Директивата требаше да стапи на сила во вторник во 17 часот по средноевропско време.
Групите рекоа дека ОМБ нема овластување еднострано да ги прекине сите федерални програми за финансиска помош низ владата и дека директивата ги таргетира примателите на грантови, делумно врз основа на правата на примателите на слободно изразување и здружување според Првиот амандман на Уставот на САД.
Вршителот на должноста директор на ОМБ Метју Вет рече дека парите ќе бидат ставени на мирување додека администрацијата на републиканскиот претседател Доналд Трамп не изврши преглед на распределбите за финансирање за да се осигура дека тие се усогласени со приоритетите на претседателот, вклучително и извршните наредби што тој ги потпишал со кои се намалуваат програмите за различност, еднаквост и вклучување.
Во исто време, државите вклучувајќи ги Њујорк, Калифорнија и Масачусетс рекоа дека ќе поднесат тужба против директивата.
