Привремен економски оператор и натаму копа јаглен во рудниците на РЕК Битола
Компанијата „Топлина“ и натаму како привремено решение го врши ископот на јаглен и меѓуслојна јаловина во рудниците во РЕК Битола откако АД ЕСМ го раскина договорот со „Марковски компани“
На огласот објавен на електронскиот систем за јавни набавки (ЕСЈН) на 13 декември минатата година не беше избрана ниту една компанија – понудувач во меѓувреме, а „Топлина“ продолжи со својата работа.
Компанијата „Топлина“ од охридското село Подмоље на 2 јануари 2025 година потпиша договор со Електрани на Северна Македонија во вредност од околу 1,15 милиони евра за ископ на јаглен и јаловина во рудникот Брод-Гнеотино за потребите на РЕК „Битола“. Станува збор за постапка со преговарање без објавување оглас. ЕСМ ја правдаше итноста со раскинувањето на претходниот договор за истата намена со „Марковски компани“ која, според Електрани, не ги исполнувала обврските од договорот Фирмата „Топлина“ беше еден од подизведувачите во раскинатиот договор со „Марковски компани“, инаку вреден 36 милиони евра.
– Повторениот јавен повик е повторен на 28 јануари и е со скратен рок од 20 дена. Потоа ќе видиме кој се има дадено понуди и ќе извршиме евалуација на новиот економски оператор.Во моментов привремен економски оператор е „Топлина“ и тој единствено врши ископ на јаглен во моментов во рудникот Брод-Гнеотино, речеденеска Лазо Узунчев, директорот на ЕСМ.
