Пристигна првата реакција на Русија за договорот на Америка и Украина за прекин на огнот
Министерството за надворешни работи на Русија соопшти дека не исклучува контакти со американски претставници во наредните денови, што е прва официјална реакција на Москва по денешните разговори меѓу САД и Украина во Саудиска Арабија.
На преговорите беше договорено Украина да се согласи на едномесечно примирје, а сега се чека да видиме дали Русија ќе го прифати.
Оваа изјава доаѓа откако американскиот претседател Доналд Трамп претходно изјави дека очекува да разговара со Владимир Путин оваа недела, нагласувајќи дека се надева на целосен прекин на огнот во наредните денови.
