Пристига есента и со себе носи постудено време, обилни дождови и грмотевици!
Според најновата седумдневна прогноза, Македонија ја очекува променливо време со високи температури на почетокот од неделата, а потоа и нагло заладување со дождови и грмежи.
Денеска, 22 септември, времето ќе биде сончево со максимална температура до 30°C и утрински 12°C. Во вторник и среда (23 и 24 септември) се очекува претежно сончево и умерено облачно време со слични температури – до 31°C.
Промена на времето ќе има во четврток, 25 септември, кога се најавени врнежи од дожд проследени со грмежи. Температурите ќе се движат од 18°C во утринските часови до 28°C во текот на денот.
Заладувањето ќе биде најизразено во петок и сабота (26 и 27 септември). Во петок максималната температура ќе достигне 24°C, а во сабота само 17°C, со услови за врнежи.
Во недела, 28 септември, ќе преовладува променливо облачно време со повремени сончеви периоди, но температурите ќе останат ниски – од 10°C минимални до 13°C максимални.
Граѓаните треба да бидат подготвени на наглата промена и да ги приспособат своите активности, особено за викендот кога ќе следи најголемото заладување.
