Причината е посебна: Денеска носете различни чорапи!
Францускиот огранок на Меѓународната организација за Даунов синдром денеска ги повика граѓаните да носат различни чорапи, како знак на различност, но и на вклученост во општеството на лицата со овој синдром, објави францускиот телевизиски канал Se News (CNews).
По повод Светскиот ден посветен на лицата со Даунов синдром, организацијата изјави дека станува збор за симболичен гест посветен на луѓето кои имаат еден хромозом повеќе.
Даунов синдром не е болест, туку генетска хромозомска аномалија. Носителите на синдромот имаат дополнителен хромозом.
Целта на кампањата „Несогласени чорапи“ е да се истакне тој дополнителен хромозом преку промовирање на различноста, но и инклузија. Мотото на акцијата е „Секој е различен, но секој е вклучен“.
Се повикуваат граѓаните на социјалните мрежи да прикачат фотографии од нивните стапала со различни чорапи.
