Претседателот на Колумбија го прекина примирјето со криминална група
Колумбискиот претседател Густаво Петро во неделата објави крај на примирјето со „Кланот дел Голфо“ – најголемата криминална организација во земјата, пренесоа Ројтерс. Причина за одлуката е напад со огнено оружје врз полициски сили од страна на групата.
„Им наредив на вооружените сили да ги обноват сите воени операции против кланот дел Голфо. Нема да дозволиме да продолжат да сеат несигурност и терор меѓу заедниците“, напиша Петро на Твитер.
Малку подоцна, тој објави втора порака во која се вели: „Нападот со пушки врз полициските сили на „Кланот дел Голфо“ го нарушува прекинот на огнот. (…) Вооружените сили мора веднаш да преземат акција против мафијашката организација.
Ројтерс се уште нема детали за нападот.
Примирјето со Кланот дел Голфо, познат и како Сили за самоодбрана Гаитаниста, беше дел од напорите да се стави крај на вмешаноста на групата во внатрешниот конфликт на Колумбија, кој досега однесе животи на најмалку 450.000 луѓе.
Владата на Густаво Петро побара од парламентот да одобри закон со кој се предвидуваат намалени казни за предадените членови на криминални банди во замена за престанок на незаконската активност и плаќање компензација на жртвите.
