Преку ден топло, од попладне доаѓа невреме со дожд и ветер
Во петок во најголем дел од Европа ќе преовладува умерено облачно и нестабилно време со врнежи од дожд, ветровито и свежо време. Локално се очекуваат поројни врнежи и услови за појава на невреме и локални поплави. Локално во централните, западните и крајните источни предели ќе преовладува претежно сончево време со локална облачност.
БАЛКАН – На Балканскиот полуостров ќе преовладува умерено облачно и нестабилно време со врнежи од дожд, ветровито и посвежо време. Локално се очекуваат поројни врнежи. Во крајните јужни и источни предели претежно сончево време со локална облачност. Максималните дневни температури од 15 до 23 степени.
МАКЕДОНИЈА – Во Македонија во петок ќе преовладува умерено облачно време со сончеви периоди и топло време. Во доцните попладневните и во вечерните часови продор на влажна и нестабилна воздушна маса која што ќе услови нестабилно време со пообилни врнежи од дожд. Ќе дува доумерен југоисточен и југозападен ветер кој што ќе достигне брзина до 35 км/ч. Врнежите од дожд ќе продолжат и во текот на ноќта петок кон сабота и ќе се интензивираат. Минималните температури од 5 до 13 степени, додека пак максималната дневна температура во Македонија утре ќе достигне до 15 односно до 24 степени.
МАКЕДОНИЈА 5 ДЕНА – Во Македонија во сабота ќе преовладува облачно време со пообилни врнежи од дожд, ветровито и посвежо време со пад на температурите. Локално се очекуваат да наврнат од 25 до 45 литри. Минималните температури од 5 до 13 степени, додека пак дневните од 8 до 17 степени. Во сабота во доцните попладневни часови врнежите ќе престанат и постепено разведрување. Во недела и понеделник по свежото утро со утрински температури од 2 до 10 односно од 4 до 12 степени, во текот на денот ќе преовладува претежно сончево време со појава на локална облачност и дневни температури од 12 до 21 односно од 14 до 23 степени. Во вторник во Македонија по свежото утро со температури од 2 до 10 степени, во текот на денот ќе преовладува претежно сончево време со појава на локална облачност и максимални температури од 12 до 21 степени.
