Познати првите македонски подизведувачи кои ќе работат за „Бехтел и Енка“ на новите автопати
Имињата на македонските градежни компании кои како подизведувачи ќе работат за конзорциумот Бехтел и Енка на изградба на автопатите од Коридор 8 и 10д започнаа да излегуваат во јавност.
Како што денеска објави А1он, повикувајќи се на свои информации, „АК инвест“, „Еуровиа“ и „Стентон градба“ се првите подизведувачи кои утре ќе ја почнат изградбата на делницата Гостивар – Букојчани.
Досега единствено фирмата „Брако“ се споменуваше како партнер на американско-турскиот конзорциум за изградба на работнички камп во Гостивар каде што ќе се гради и најтешката делница.
„АК Инвест“ е компанија на Азби Ибрахими , „Еуровиа“ која е актуелна периодов по тоа што е фирма-донатор на ДУИ, е во сопственост на Елмедин Адеми, додека битолската „Стентон“ беше управувана од Благој Крстевски, а сега Снежа Стојаноска е актуелна сопственичка.
Изградбата на делницата кај Гостивар ќе почне утре, со минирање кај селото Дебреше.
Предвидено е дека проектот, без експропријација, ќе чини најмалку 1,3 милијарди евра.
