Познати брендови во неволја поради војната меѓу Израел и Хамас: беше „лесно“ да се поддржи Украина, сега проблемот е покомплексен
Како што расте бројот на загинати во израелската офанзива во Газа, корпоративните комуникации се во кризен режим. Уште со првата вест за нападот на Хамас врз Израел на 7 октомври, бројни компании брзо објавија изјави за осуда.
Компанијата Волт Дизни донираше два милиони долари на хуманитарни организации во регионот и изрази револт поради „страшните терористички напади“.
Извршниот директор на Amazon, Енди Џеси, на Твитер изјави дека насилството врз цивилите е „шокантно и болно за гледање“, а извршниот директор на Pfizer, Алберт Бурла, напиша на Linkedin дека е „скршен од злосторството“.
Додека за многумина овие изрази на сочувство беа природен одговор, пропалестинците не беа толку сигурни. Тие се пожалија дека додека компаниите изразуваат сочувство за жртвите на Хамас, нивниот наратив го негира страдањето на палестинските цивили – она што помина релативно незабележано во споредба со злосторствата од 7 октомври.
Старбакс и Мекдоналдс набрзо се вклучија во корпоративната контроверза.
Имено, кога Израел почна со одмазднички напади врз Газа, синџирот за брза храна објави дека им дава илјадници бесплатни оброци на припадниците на израелските одбранбени сили (ИДФ).
Меѓутоа, додека Израел тврдеше дека неговите трупи ја извршуваат основната работа за „разбивање“ на Хамас во Газа, пропалестинските групи тврдеа дека Мекдоналдс бил соучесник во поддршката на етничкото чистење на Палестинците со обезбедување бесплатни оброци.
Што се однесува до Старбакс, тие влегоа во кавгата кога нивниот синдикат сподели порака на мрежата Х – „Солидарност со Палестина!“
По објавувањето, имаше брза реакција од неколку еврејски групи, но кога Старбакс одлучи да го тужи синдикатот, компанијата уште еднаш предизвика бран на бес – овој пат пропалестински.
Да се каже или да молчи?
