ПОЗНАТ АВТОМОБИЛСКИ ПРОИЗВОДИТЕЛ ПОВЛЕКУВА СКОРО 100 ИЛЈАДИ ВОЗИЛА! Проблеми се појавиле уште во 2021 година
Познатата компанија за производство на автомобили, Audi е принудена да повлече точно 93.196 електрифицирани автомобили од пазарот поради дефект.
Најинтересно е што потенцијалниот дефект не го оштетува возилото, туку домашната инсталација. Имено, при полнење на батеријата, инсталацијата може да се прегрее, штекерот да се стопи и на крајот да дојде до пожар.
Добрата вест е што засега нема информации за сообраќајни несреќи, но затоа Audi доби 615 пријави од клиенти, што на крајот беше причина за истрагата, пренесува Index.hr.
Од Audi велат дека проблемот не е забележан кај корисниците кои користат бавен полнач на штекер од 110 волти. Прегревање се јавува кога е поврзан со побрз полнач од 220V/240V, попознат како полнач на ниво 2. Во куќите каде што инсталациите не можат да го издржат товарот, може да настанат проблеми поради прекумерно загревање на кабелот. NHTSA (Националната управа за безбедност на сообраќајот на автопатите) известува дека во некои случаи е можно целиот штекер да се стопи.
Проблемот наводно бил откриен уште во 2021 година, а откако било утврдено дека нема грешка кај автомобилите, Audi на сите примери ставил налепница со предупредување за корисниците да ги проверат своите домашни инсталации. Друга опција беше последователно намалување на моќта на полнење до 50 отсто.
Со повлекувањето, сите сопственици ќе добијат нови кабли опремени со сензор за температура, почнувајќи од вториот квартал следната година.
