Познат актер нападнат со нож во неговиот дом
Познатиот боливудски актер Саиф Али Кан бил примен во болница откако бил нападнат во четвртокот рано наутро во неговиот дом во луксузен кварт на Мумбај, објавија локалните медиуми.
Според информациите од градската полиција, натрапник по полноќ провалил во куќата, по што дошло до тепачка при што актерот бил избоден неколку пати со нож.
Шест убодни рани Кан бил итно пренесен во болницата Лилавати, каде што бил опериран.
Нирај Утамани, главниот оперативен директор на болницата, рече дека актерот се здобил со шест убодни рани, од кои две сериозни, вклучително и една во близина на ‘рбетот.
За неговата состојба моментално се грижи специјализиран лекарски тим. Полицијата покренала истрага и констатирала дека се работи за „обид за кражба“.
Заменик-началникот на полицијата Диксит Гедам потврди дека натрапникот се соочил со Кан откако влегол во куќата. Засега не е познат идентитетот на напаѓачот.
Познатиот боливудски актер Саиф Али Кан бил примен во болница откако бил нападнат во четвртокот рано наутро во неговиот дом во луксузен кварт на Мумбај, објавија локалните медиуми.
Кој е Саиф Али Кан?
Саиф Али Кан е еден од најпознатите индиски актери, познат по својата работа во Боливуд, индиската филмска индустрија.
