Пожарот во Јасен повторно се влошува – огнот стигнал до гребенот
Директорот на Дирекцијата за заштита и спасување, Стојанче Ангелов, соопшти дека состојбата со пожарот во Јасен повторно е влошена, при што огнот на едно место стигнал до гребенот, но бил запрен со брза интервенција.
„Пожарот во Јасен се искачи кон гребенот и се доближи до зелениот пат кој ни е главна линија на одбрана за да не премине од другата страна. На терен се вработените од ЈП Јасен, поддржани од пожарникари од Македонски Брод, како и екипи со пинцгауери од ДЗС“, изјави Ангелов.
Според податоците на Центарот за управување со кризи, до 18 часот во земјава се регистрирани вкупно осум пожари на отворен простор, од кои шест се изгаснати, а два остануваат активни.
Активни се пожарот во Јасен, каде гори мешана шума, и пожарот кај селото Калдарец, Китка, каде е зафатена мешана вегетација.
