Пожарите во Калифорнија ќе ги „чинат“ осигурителните компании и до 45 милијарди долари

Американската осигурителна компанија „Allstate Insurance“ објави дека ќе плати 1,1 милијарда долари за штетата предизвикана од пожарите што во јануари ја зафатија јужна Калифорнија.

Оваа компанија наведува дека успеала делумно да ги намали загубите со повлекување од пазарот во Калифорнија, објави Си-Ен-Ен.

Сумата што треба да ја плати оваа компанија е мал дел од вкупните штети од осигурување по јануарските пожари во Калифорнија, бидејќи треба да ги обесштети сопствениците на 16.600 имоти.

Истражувачката компанија CoreLogic, која ги следи трошоците за катастрофи како што се пожари и урагани, вели дека штетата од пожарите може да чини помеѓу 35 и 45 милијарди долари.

Многу осигурителни компании ги откажуваат полисите на сопствениците на куќи поради зголемената закана од шумски пожари во многу области на Калифорнија, оставајќи ги со поскапи и често ограничени алтернативи.

Компанијата „Олстејт осигурување“ забележа добивка од 2,1 милијарди долари во четвртиот квартал, што е за 34 отсто повеќе од една година претходно.